……

بدايه وحتى تصبح مواطنا اردنيا يجب عليك اتقان الكشره الاردنيه

فهذا من اهم ما يميز الانسان الاردني عن الانسان العادي

البوز الملوي..والحواجب المعقوده…واذا نظر اليك احدهمفقل له بكل استعلاء

((ابو الشباب ليه بتجح بخلقتي…مضيع بوجهي شلن)))

هكذا تكون قد قطعت شوطا كبيرا حول الاردنه الاصيله

 

 

تابعا للنقطه السابقه…سر على مبدأ

((اللي بيطلع عليك بنص عين يعني نظره انقرافيه بحته…

اي بالكلممات الاردنيه لمشرمحه

(((كلك على بعضك مش شايفك)))

 

تعلم فن التعصيب…,أقل كلمه تطلع زيفك((عصبيتك))

عصب وصسح وبزق وانت بتحكي

على شرطي المرور الغلبان…على الكنترول الازعر…على سايق التاكسي لمسخم

المهم تتهاوش هوشه يوميه

المهم تحرق وراها بوكيت((باكيت))

دخان

 

حتى تكون مواطن اردني كح

يجب ان يكون لك واسطه في كل دائره حكوميه

قرابه

نسب

صحبه

ابن عم خالة جدها لمرة جار اخوك

المهم تمشي واتزبط امورك

 

حتى تكون مواطن اردني

تعلم فن التقسيط

موبايل ((جوال))اقساط

سياره اقساط

اثاث بيت اقساط

جرابات اقساط

عروس اقساط

لازم يصفي من راتبك كل شهر 13نيره (دينار)لانو الباقي اقساط

وتعلم ان تجد كفيل خروف

(((الكفيل الخروف __يعني اهبل يدفع عنك القسط الي تتهرب من دفعو لما تزهق واتمل)))

 

علشان يخصمو عليه هو ويخفف عليك شوية اقساط من بلاويك السودا

 

المواطن الاردني انسان كالصخر

خارق للمنطق والعاده…ولايخضع لاي عمليات حسابيه

نضرب مثلا

المواطن الاردني العادي بدفع ايجار بيت150دينار

كهربا وميه حالي ال40دينار

عندو سياره قسطها 100دينار

وترخيص على بنزين على زيت على نكشه ميكانيك تقريبا180دينار

دخان بمعدل بوكيت باليومهذااذا مش مدخن

((بعفط تعفيط))

بس 50نيره شهري حرق دخان

احكي 150اكل او شرب

وحالي 30دينار بطاقات شحن

((اذا ما كان حبيب…اذا كان شابك بنت وداير يتمعشق بدو 100دينار))

50دينار الو او 50دينار لحبيبتو

ليش هي تتنازل تشحن لحالها

(((حبيت تتمعشق او تحكي اشحنلي ما حبيت في غيرك كتيييييييير هبايل)))

صار المبلغ تقريبا 700نيره

وهو كل راتبو 250دينار

كيف بتزبط معو؟؟؟؟؟؟؟؟؟الله اعلم

 

حتى تصبح مواطنا اردنيا يجب ان يكون

 لديك او امتلكت يوما

اوتحلم بأن تمتلك

احدى السيارات التاليه

كيفا سيفيا

هونداي اكسنت

زعرا((والمقصودBMW320))

نيسان صني((حصريا للتكاسي))

لف((وامقصود مرسيدس200موديل82وحتى 85))

او180((المقصود مرسيدس موديل الستينات))…وانت بتلفها براحتك

 

المواطن الاردني بحب المظاهر

يعني اذا لم يكن معك ولا قرش يجب ان تتعلم فن العرط

((والعرط هو الكذب والادعاء بانك مليونيرا))

اي ان تجلس مع الشباب وتوهمهم انك ولدت وفي فمك خاشوكة ((ملقعقة))ذهب

مع ان الواقع ولدت وفي فمك خاشوكة فول ((هذا اذا كانو الي خلفوك قادرين لسا يشتروه الفول))

يعني مارس فن التشبير وعلق الهمر على جنبك

وفضي بوكيت الفيلاديلفيا ببوكيت ما لبورو

 

حتى تكون مواطن اردني

يجب ان يكون احد قرايبك من مواليد الف وتسعميه او خشبه الو سن ذهب

 

حتى تكون مواطن اردني

يجب ان يكون جدك قد امتلك بيوم نص الشميساني او عبدون

في يوم من الايام وباعها بميتين نيره

 

حتى تكون مواطن اردني

عليك ان تكون دقرا((جكر))..تعلم فن المداقره

واحد دق عليك الباب احكيلو مين؟؟

بس يحكيلك انا فلان …احكيلو لاء مش انت ع طول

المهم اداقر شوي على اي موضوع

حتى لو كنت عارف حالك غلطان

وهيك عزيزي تتشرف تحمل هويه اردنيه عليها رقم وطني

ودفتر ازرك اسمو دفتر عيله

وطالب الحكومه يصرفولك دعم المحروقات

واهلا بيك بربوع بلدنا الحلبو والحبيب

 

الاردن

 

 

ـــــــــــــــــــــــــــــــــــــــــــــــــــــــــ
التصنيفات : لحظات تضحكنا من قلوبنا | السمات:لحظات تضحكنا من قلوبنا
أرسل الإدراج  |   دوّن الإدراج